Seewlialp
Seewlisee
Zmitzt im Felsätal verschteckt !
lyyt äs Seeli chlyy.
Lüä, wiä Sunnä d Wällä neckt
und wiä s glänzt drbyy.
D Muggä fyyret Summerfäscht
uf em bläüwä Nass
und dert oobä i sym Näscht
schpilt ä Rapp dr Bass.
Felstiirm und Gämschy haltet Wacht
rings am stillä See ;
so wiä diä
mecht ich diä Pracht
jeedä Morgä gsee.
Lüäg dert schpringt ä klyynä Fisch
hooch i Muggäschwarm,
holt sich fir ä Mittagtisch
ds Dessert sunnäwarm.
Tüüsig Dank, my chlyynä See,
fir diä prächtig Schtund !
Lach dr Neechscht diä Pracht äü gsee,
wenn är zuä dr chunnt !